Netagiri.in__रायपुर___छत्तीसगढ़ महतारी के मान-सम्मान बर अब पूरा छत्तीसगढ़ गूंजत हवय। एही बात ला आगे बढ़ावत जोहार छत्तीसगढ़ पार्टी अऊ छत्तीसगढ़िया क्रांति सेना (CKS) ले 31 अक्टूबर 2025 के दिन रायपुर बंद के आह्वान करे गे हवय। ए बंद के मंसा छत्तीसगढ़ महतारी के होवत अपमान अऊ उपेक्षा के खिलाफ आवाज उठाना अऊ जनजागरण करना बताय गे हवय।
ए बंद मं कोरबा ले छत्तीसगढ़िया क्रांति सेवा के पदाधिकारी सुरेंद्र राठौर के अगुवाई मं हजारा मन रायपुर पहुंच के हिस्सा लेही।
सुरेंद्र राठौर कहिन – “ए आंदोलन कोनो पार्टी या संगठन के खिलाफ नई ये, बल्कि हमर छत्तीसगढ़ महतारी के मान बर आय। हमन सबले पहिली छत्तीसगढ़ महतारी के बेटा-बेटी हवन, अऊ हमर पहिली जिम्मेदारी ये – अपन महतारी के मान बचाना।”
राठौर जनता ले अपील करत कहिन – “कांग्रेस, भाजपा या कोनो दल के रहो, अब समय आय गे हे कि सब छत्तीसगढ़िया एक जुट होके अपन महतारी के सम्मान बर खड़ा होवय।”
